sakha.gov.ru
«Арассыыйа» Национальнай кииҥҥэ үөрэнээччилэр пуорумнара түмүктэннэ. Манна тоҕус күн устата киин федеральнай уокурук үрдүкү кылааһын үөрэнээччилэрин дойдуга тэтимнээхтик сайдар микроэрэгийиэни — Уһук Илини кытта билиһиннэрдилэр.
Үөрэнээччилэр пуорумнарыгар Москва, Москва уобалаһын, Рязань, Смоленскай, Калуга, Ярославль, Брянскай, Иваново, уо.д.а. оскуолаларыттан 2500 тахса оҕо кытынна. Үөрэтэр тэрээһин кэнчээри ыччаты Уһук Илин үөрэххэ, билиигэ-көрүүгэ сирдиир ураты суоллары билиһиннэрэр кыаҕы биэрэр.
Пуорум сүрүн сыала — оскуола үөрэнээччилэригэр Уһук Илин бастыҥ үрдүк уонна орто анал үөрэхтэрин кыһаларын билиһиннэрии. Дьыалабыай бырагыраама спикердэрэ Уһук Илин үрдүк уонна орто анал үөрэх кыһаларын, болҕомтону тардар кэрэ-бэлиэ сирдэрин, туризм сайдыытын туһунан, уо.д.а.сырдаттылар
Пуорум түмүгэр Рязаньтан сылдьар бэрэстэбиитэллэр санааларын үллэһиннилэр.
— Оскуоланы бүтэрэр оҕолорго олус үчүгэй уонна туһалаах тэрээһин. Кинилэр сайдалларыгар, Уһук Илини билэллэригэр кыаҕы биэрэр, — диэн 75 №-дээх оскуолаҕа оҕолор уопсастыбаннай түмсүүлэрин кытары хардарыта сибээстээх үлэҕэ дириэктэри солбуйааччы Дарья Виноградова санаатын үллэһиннэ.
Бу оскуола тохсус кылааһын үөрэнээччитэ Мия Покровская маннык тэрээһиннэр элбэҕи билэргэ көмөлөһөллөрүн бэлиэтиир. Кини дойду араас эрэгийиэннэрин, Арассыыйа кыаҕын билэр-көрөр кыахтаналларын этэр.
Тэрээһин бырагырааматын сиһилии: https://ddv.moscow/ көрүөххэ сөп.
Сиһили: https://www.sakha.gov.ru/news/16267
СӨ Ил Дарханын уонна Бырабыыталыстыбатын пресс-сулууспата
Хаҥалас улууһун дэлэгээссийэтэ улуус баһылыга Сергей Гребнев салалтатынан байыаннай дьайыы буола турар сиригэр айаннаата. Дэлэгээссийэҕэ…
Ил Дархан Айсен Николаев "Россия24" ханаалга "Быһа кэпсэтии" биэриигэ тохсунньу 22 күнүгэр Амма улууһугар барарын…
Арассыыйа Бэрэсидьиэнэ Владимир Путин ыйааҕынан тэриллибит «Беспилотнай авиационнай системалар» национальнай бырайыак чэрчитинэн, 2025 сылга ойуур…
Бүгүн, тохсунньу 20 күнүгэр, Дьокуускайга баар "Россия -- моя история" устуоруйа пааркатын таһыгар 16 саастаах…
Тохсунньу 18 күнүгэр Күҥҥэ X1.95 кылаастаах улахан эстии буолбута. Ол протоннара Сиргэ тиийэн кэлэн, бүгүн…
Олунньуттан Саха сиригэр бырабыыталыстыба отчуота саҕаланыаҕа. Отчуоттар үгэс быһыытынан, сирэй көрсөн ыытыллыахтара диэн «Быһа кэпсэтии»…