Үрдүкү лигаҕа мас тардыһыыга Федерация Куубага мэҥэ хаҥаластарга туттарылынна

Мэҥэ Хаҥалас улууһа мас тардыһыыга үһүс төгүлүн Федерация Куубагар кыайыылаах таҕыста.

Быйыл улуустарынан хамаанданан күрэхтэһии Үрдүкү уонна Бастакы лигаҕа араарыы саҥа ньыматынан ыытылынна. 2014 сылтан аан бастакытын Таатта хамаандата финалга тиийдэ.

«Бу биһиги үһүс кыайыыбыт. Номнуо хаһыс да Куубагы ыллыбыт. Хамаанданы эҕэрдэлиибин. Эһиил Манчаары оонньууларын күүтэбит, хамаандалары бэлэмнээһини салҕыахпыт», — диэн быһаарда Мэҥэ Хаҥалас улууһун бэтэрээнэ Максим Марков.

Таатта улууһа Куубак күрэҕин түмүгүнэн иккис буолла. Бүтэһигин кинилэр финалга 2011 сылга тиийбиттэрэ. Оччолорго бу хамаанда лидердэриттэн биирдэстэрэ, аан дойду 2023 сыллааҕы чөмпүйүөнэ Константин Жирков уолаттарга кыттыбыта.

Үһүс бочуоттаах миэстэни быйыл Хаҥалас улууһун хамаандата ылла. Бу хамаанда кэнники сылларга бу успуорт көрүҥэр үрдүк көрдөрүүлээх.