Үрдүкү лигаҕа тахсар иһин киирсиэхтэрэ

Олунньу 6-9 күннэригэр Дьокуускай куоракка волейболга дьахталлар хамаандаларын икки ардыгар чөмпүйэнээт ыытыллыа. Бу туһунан СӨ физкультураҕа уонна маассабай успуорка управлениета иһитиннэрэр.

Оонньуулар «Кыайыы 50 сыла» успуорт дыбарыаһыгар буолуохтара.
Күрэхтэһиигэ Үрдүкү лигаҕа кыттыахтаах — Нам, Уус Алдан, Мэҥэ Хаҥалас, Чурапчы, Мииринэй, Ньурба, Амма улуустарыттан уонна Дьокуускай куораттан ураты, атын улуустартан дьахталлар хамаандара кэлэн кыттыахтара.

Оонньуулар ВФВ быраабылатынан барыахтара уонна икки кыайыыга диэри үс баартыйанан оонньуохтара. Балаһыанньа быһыытынан хамаандалар 12 ооньооччуттан уонна биир бэрэстэбиитэлтэн туруохтара. Санатан эттэххэ, финалга тахсыбыт хамаандалар 2026 с. сезонугар Үрдүкү лигаҕа кыттар кыахтаналлар.

Волейболу сэҥээрээчилэр СӨ физкультураҕа уонна маассабай успуорка управлениетын RuTube-каналынан https://clck.ru/36Zpg6 көрүөххүтүн сөп.

#якутия #уфкимс #спортякутии #спортнормажизни #минспорт #волейбол #1лига #женскийволейбол