Ырыаһыт Эрхаан Бүтүн Арассыыйатааҕы «За други своя» бэстибээл дипломанынан буолла

Ырыаһыт, Эстрада тыйаатырын артыыһа Эрхаан Бүтүн Арассыыйатааҕы «За други своя» диэн бэстибээлгэ дипломант үрдүк аатын сүктэ. Бу куонкуруска байыаннай дьайыы кыттыылаахтарын дьиэ кэргэттэрин уонна бэтэрээннэрин айбыт хоһооннорунан ырыалардаах дьон кытыннылар.

Бэстибээл «Кубок Защитников Отечества» диэн физкультурнай тэрээһин иитинэн ыытылынна. Эрхаан байыаннай дьайыыга кытта сылдьар уолун туһунан ырыаны толордо. Уола икки нэдиэлэлээх уоппуска ылан, аҕатын кытта сыанаҕа тахсыста диэн yakutia-daily.ru саайт суруйар.