Ырыаһыт Лариса Долина 200 мөл. солк. түөкүттэргэ албыннаппыт

Арассыыйа норуодунай артыыһа, ырыаһыт Лариса Долина түөкүттэргэ 200 мөл. солк. албынаппытын туһунан ТАСС суруйар диэн СИА иһитиннэрэр.

Москва Хамовническай сууда уорууга уорбаланар Анжела Цырульникова диэн курьеры тутта. Кини улахан сууманы түөкүннээһиҥҥэ уорбаланар, 10 сылга көҥүлэ быһыллыан сөп.

Лариса Долинаҕа муус устартан бэс ыйыгар диэри Украина сириттэн эрийэннэр, счеткуттан биһиэхэ харчыта ыыт, кыбартыыраҕын атыылаан «харчыгын быыһаа» диэн тылларыгар киллэрбиттэр. Ырыаһыт ирдэбиллэрин толорбут, онтон полицияҕа үҥсүбүт.

Суут Долина кыбартыыратын силиэстийэ бара турарынан арестаабыт. Быраабы араҥаччылыыр уорганнар иһитиннэрэллэринэн, ырыаһыт харчытын сороҕун Цырульникова нөҥүө ыыппыт эбит.