Ырыаһыт Василий Еремеев олохтон туораата

Ырыаһыт, Эстрада тыйаатырын артыыһа, Саха Өрөспүүбүлүкэтин үтүөлээх артыыһа Василий Еремеев бүгүн, сэтинньи 23 күнүгэр, 44 сааһыгар олохтон туораабытын туһунан Эстрада тыйаатыра иһитиннэрдэ.

Василий бу ый саҕаланыыта эмискэ ыалдьан балыыһаҕа киирбитин туһунан биллэр. Бырастыылаһыы сэтинньи 26 күнүгэр Эстрада тыйаатырыгар (Дьокуускай куорат, Ленин проспегын 47 №-дээх дьиэтигэр) 9-12 ч. буолуоҕа.

Ырыаһыт дьиэ кэргэнигэр, чугас дьонугар, доҕотторугар дириҥ кутурҕаммытын тиэрдэбит.