Үрүҥ Хайа лааҕырыгар оҕолор хаар киһи оҥордулар

Анаабыр улууһун Үрүҥ Хайа нэһилиэгэр оҕолор сайыҥҥы лааҕырга хаар киһи оҥорбуттар. Биһиги тута нэһилиэк лааҕырыгар сибээскэ таҕыстыбыт. Миигин кытта лааҕыр салайааччыта Рада Федотовна Туприна кэпсэттэ:

— Лааҕырбыт аата «Северное сияние» диэн, хаһыс да сылын үлэлиир.   Ол курдук, Айти, успуорт уонна «Орлята России» диэн хас да хайысханан үлэлиир. Билигин лааҕырга 120 оҕо сылдьар. Сэттэ иитээччи үлэлиир. Хоту дойдуга олорор буоламмыт, биһиэхэ билигин хаардаах. Онон лааҕыр оҕолоро таһырдьа тахсан, хаар киһи оҥорбуттара. Раиса Федотовна Туприна уонна Мария Иннокентьевна Андросова оҕолору хаартыскаҕа түһэрэн үйэтиппиттэрэ.