Үрүҥ Хайа олохтоохторо хаарбах дьиэттэн көһүү бырагырааманан саҥа дьиэлэннилэр

Анаабыр улууһун Үрүҥ Хайатын олохтоохторо хаарбах дьиэттэн көһүү бырагырааманан саҥа кыбартыыралар күлүүстэрин үөрүүлээх быһыыга-майгыга туттулар. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

«Билигин саамай сүрүнэ диэн, дьиэлэр куораттарга уонна улахан сэлиэнньэлэргэ эрэ буолбакка, ыраах баар нэһилиэнньэлээх пууннарга эмиэ тутуллар буолбуттара. Бу Арктика сиригэр-уотугар олорор дьон олохторун хаачыстыбатын үрдэтиэ, сайыннарыа», — диэн эрэгийиэн премьер-миниистирэ Андрей Тарасенко күлүүһү туттарыы кэмигэр эттэ.

Бу үөрүүлээх күҥҥэ түөрт ыал малааһыннаата. Саҥа дьиэ икки хостоох кыбартыыралардаах, киин ититии систиэмэтигэр холбоммут. Андрей Тарасенко бэлиэтээн эппитинэн, өрөспүүбүлүкэ арктическай сиригэр отут сылга бастакытын саҥа дьиэ үлэҕэ киирбит.

Итиннэ гынан, хоту оройуоннарга 2025 сылга диэри 490-ттан тахса дьиэ киирэрэ былааннанар.