Хаартыска: СИА
Анаабыр оройуонун Үрүҥ Хайа сэлиэнньэтигэр күһүҥҥү хараал кэмигэр булуллубут икки төбөлөөх табаны тутуннулар. Таба олохтоохтор уонна учуонайдар ортолоругар улахан кэпсэтиини таһаарбыта. СИА-ҕа хаһаайыстыба биригэдьиирэ Иван Туприн кэпсээбитинэн, сэтинньи 22 күнүгэр итэҕэстээх төрөөбүт кыылтан босхоломмуттар.
“Быйыл идэһэни астааһын икки күн ыытылынна, ыстаадаттан 33 табаны тутуннубут, ол иһигэр ити икки төбөлөөх табабытын. Бу таба айах дуомнаах, ситэ сайдыбатах төбөлөөх этэ. Атын табалартан бу дьиэгинэн эрэ атыннааҕа. Биһиги астыырбытыгар төбөтүн туспа арааран ылбыппыт. Кыыл атын чааһа туох да уратыта суоҕа”, — диир биригэдьиир Иван Туприн.
Бу иннинэ дириэктэр Роман Туприн бу чахчынан учуонайдар интэриэһиргииллэрин эппитэ.
“Тустаах иһитиннэрии тарҕаммытын кэннэ миигин кытта АГАТУ Бэтэринээрийэ мэдиссиинэтин факультетын үлэһиттэрэ кэпсэтэн, бу табаны үөрэтэн баран, салгыы чуучула оҥорор баҕалаахтарын эппиттэрэ. Хомойуох иһин, дьыала оннуттан хамсаабатаҕын иһин идэһэ кэмигэр туттарга быһаарынныбыт”, — диэбитэ Роман Туприн.
РНА СС Саха сиринээҕи научнай-чинчийэр институтун табаны иитии уонна төрүт салааларга лабораториятын научнай үлэһитэ, бэтэринээрийэ наукатын дуоктара Николай Винокуров СИА-ҕа бу аномалия биричиинэтинэн генетика өттүнэн мутация буоларын быһаарбыта
Мария Горохова
Хаартыска: СИА
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…