Хаартыска: "Сахафильм"
Дьокуускайдааҕы норуоттар икки ардыларынааҕы киинэ бэстибээлин сүрүн бирииһэ тугуй? Бэстибээл бэлиэтэ буолбут хаар ачыкыта туох матырыйаалтан оҥоһуллубутуй?
Бэстибээл 2013 сылтан ыытыллар. Ол кэмтэн бирииһэ уларыйбакка кэллэ — кыайыылаахха үрүҥ көмүстэн оҥоһуллубут хаар ачыкытын туттараллар. Бу хаар ачыкыта бэстибээл сүрүн бэлиэтинэн мээнэҕэ буолбат.
Хаар ачыкытын былыр хотугу норуоттар мындырдык толкуйдаан айан, күн хаартан тэйэр сардаҥатыттан хараҕы харыстыыр сыалтан оҥорбуттара. Бу хаар ачыкытын нөҥүө олоҕу анааран, киинэ ускуустубатын нөҥүө аан дойдуга хотугу киһи көрүүтүн билиһиннэрэр диэн суолталаах.
Үрүҥ көмүс ачыкыга Хотугу сулуһу бэлиэтиир бирилийээн уонна Улахан Араҥас сулуһу («Большая медведица») ойуулуур цирконийдар күлүмүрдүүллэр.
Кыһыл көмүс дуйдаах ачыкы бастыҥ уус-уран киинэ кыайыылааҕар туттарыллар. «Үрүҥ көмүс ачыкы» бастыҥ режиссер үлэтигэр, дьахтар бастыҥ оруолугар, эр киһи бастыҥ оруолугар, устудьуон бастыҥ үлэтигэр, дьүүллүүр сүбэ анал бирииһигэр туттарыллар.
Быйыл араас дойдулартан 9 киинэ куонкуруска кыттар (Арассыыйаттан, Сербияттан, Кытайтан, Индияттан, Казахстантан, Монголияттан). Ыччаты уонна саҥа саҕалааччылары өйүүр сыалтан, быйыл аан бастаан тэйиччиттэн Бүтүн Арассыыйатааҕы устудьуон киинэтин куонкуруһа буолуоҕа.
Дьүүллүүр сүбэҕэ «Казахфильм» сүрүн эрэдээктэрэ Бекбулат Шекеров (Казахстан), режиссер, продюсер Олзийн Цевелзуен (Монголия), режиссер, «Сахафильм» уус-уран салайааччыта Алексей Романов (Саха сирэ), сценарист Дмитрий Пермяков (Санкт-Петербург) бааллар. Кинилэри кытта өр сыллаах бииргэ үлэлэһии олуга уурулунна.
2022 сылтан бэттэх тахсыбыт сахалыы киинэҕэ эбии «Көрөөччү биһирэбилэ» бириис тутарыллар.
Дьокуускайдааҕы киинэ бэстибээлин бырагырааматын чэрчитинэн, быйыл элбэх үөрэтэр лиэксийэлэр, маастар-кылаастар, төгүрүк остуоллар, быыстапкалар, айар көрсүһүүлэр буолаллар.
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…