Үрүҥ көмүс биһилэҕи уоран хаайыыга киириэн сөп
07.07.2025, 12:00
С.Львова хаартыската
Бөлөххө киир:
Дьокуускай куорат полициятын бастакы нүөмэрдээх отделын дьуһуурунай чааһыгар үрүҥ көмүс таастаах биһилэҕин уордарбыт киһиттэн сайабылыанньа киирбит.
Эр киһи кэпсээбитинэн, биһилэҕин үлэтигэр кэбиниэтигэр хаалларбыт. Үлэтигэр кэлбитэ, ювелиргай киэргэлэ суох эбит.
Суһал-ирдиир үлэ кэмигэр холуобунай ирдэбил үлэһиттэрэ уорбаланааччы ким буоларын быһаарбыттар. Ол курдук урут сууттана сылдьыбыт 38 саастаах тэрилтэни хомуйааччы киһи эбит.
Быһаарыллыбытынан, эр киһи тэрилтэни хомуйа кэлбит итиэннэ кэбиниэккэ таастаах биһилэх сытарын көрөн уоран ылбыт. Биһилэҕи уоруйах Ярославскай уулуссаҕа баар биир дьиэ тиэргэнигэр кистээбит. Уоруута булулунна.
Билигин эр киһиэхэ РФ Холуобунай кодексын 158 ыст. 2 чааһынан холуобунай дьыала көбүтүлүннэ. Онон, эр киһи биэс сылга диэри көҥүлэ быһыллыан сөп.
Сообщить об опечатке
Текст, который будет отправлен нашим редакторам: