Хаартыска: Үлэ, социальнай сайдыы министиэристибэтэ.
Муус устар саҥатыгар Дьокуускайга «үрүҥ көмүс» волонтердар бааллара буолла. Баалга 159 үрүҥ көмүс волонтер кытынна.
Кинилэр анаан-минээн Абый, Алдан, Нам, Үөһээ Бүлүү, Бүлүү, Усуйаана, Өймөкөөн, Чурапчы, Сунтаар, Ньурба, Уус Алдан, Хаҥалас, Мэҥэ Хаҥалас, Горнай улуустарыттан кэлбиттэр.
«Үрүҥ көмүс» волонтердар — бу сааһырбыт эрээри, эдэрдии дууһалаах, эрчимнээх, көхтөөх, дьоҥҥо көмөлөһөр баҕалаах дьон. Кинилэр тулалыыр эйгэлэрин киэргэтэллэр, сырдаталлар, үтүө дьыаланы үксэтэллэр. Бииргэ түмүстэхтэринэ, биир сыаллаах-соруктаах буоллахтарына, өссө элбэҕи ситиһэллэр.
Баалга 2023 сыл түмүктэрин таһаардылар, бастыҥ үлэлээх волонтердары, түмсүүлэри, бырайыактары бэлиэтээтилэр. Маны тэҥэ, 50-тан тахса сыл олорбут, көхтөөх пааралары чиэстээтилэр. Манна бальнай үҥкүүлэргэ эргичийэ тэлээрдилэр, ыллаан да эйээрдилэр. Көрүөххэ кэрэ!
Баал кэмигэр «үрүҥ көмүс» волонтердар Саха сириттэн сылдьар, Хабаровскай куорат госпиталларыгар эмтэнэ сытар байыастарга анаан 70 тыһыынча солкуобайы хомуйдулар диэн үлэ, социальнай сайдыы министиэристибэтэ иһитиннэрэр.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …