Хаартыска: Ю.А.Гагарин аатынан култуура уонна аныгы ускуустуба кииниттэн
Дьокуускайга Ю.А.Гагарин аатынан култуура уонна аныгы ускуустуба киинигэр Арассыыйаҕа доброволецтар күннэринэн, «үрүҥ көмүс» волонтердар көрсүһүүлэрэ буолла. Тэрээһиҥҥэ 12 улуустан, 14 нэһилиэктэн уопсайа 130 көхтөөх волонтер кытынна.
Көрсүһүү түһүлгэтигэр мустубут ыалдьыттарга СӨ доброволецтарын ресурснай киинин салайар Айыллаан Васильевич Винокуров эҕэрдэтин тиэртэ, дохсун ытыс тыаһыгар арыаллатан өйдөбүнньүк бэлиэлэри туттарда.
Бу күн «үрүҥ көмүс» волонтердар Катакова Евдокия Петровна салайыытынан тиһиктээхтик үлэлиир «Радуга добра» өрөспүүбүлүкэтээҕи бырайыак иитинэн, байыастарга көмөлөһөргө анаан 44 000 солк. сууманы хомуйдулар, угунньалары баайан бэлэмнээтилэр. Маны таһынан, кинилэр «Торопыжкам с любовью» Бүтүн Арассыыйатааҕы үтүө санаа аахсыйатыгар кыттыһаллар, итэҕэс төрөөбүт оҕолорго бэйэлэрэ бэлэмнээбит пинеткаларын, наскыларын уонна массаастыыр пеленкалары ыыталлар.
Көрсүһүү олус сэргэх буолла. Саҕаланыаҕыттан бүтүөр диэри «үрүҥ көмүс» волонтердар ырыалара-тойуктара дьиэрэйэн олордо, үҥкүүлэрэ-битиилэрэ тэтимирэн истэ. Ю.Гагарин аатынан култуура уонна аныгы ускуустуба киинигэр «Космос» айар кэлэктиибэ иккис сылын босхо бырааһынньык эйгэтин олус үчүгэйдик тэрийэр. Кэлэктиипкэ уонна дириэктэр Евдокия Петровна Винокуроваҕа өрөспүүбүлүкэ «үрүҥ көмүс» волонтердарыгар «Көрсүһүү биэчэрин» истиҥник, үрдүк таһымнаахтык тэрийбиттэригэр махтанабыт.
Ю.А.Гагарин аатынан култуура уонна аныгы ускуустуба киинэ
Усуйаана улууһун Тумат нэһилиэгэр олус сэргэхтик олороллор. Бу сотрутааҕыта "Түмсүү" култуура дьиэтигэр асчыттарга аналлаах "Битва…
-- Хамсаабат баай-дуол биир кэлим судаарыстыбаннай реестриттэн (ЕГРН) быыпыска туохха нааданый? Ыйытыыга “Роскадастр” публичнай-правовой хампаанньа…
Өлүөхүмэҕэ бу сыл сэтинньи 12 күнүгэр 23:30 чааска хочуолунай машиниһа Антон Крупенков ыаллыы турар дьиэ…
Ил Түмэн онус уочараттаах пленарнай мунньаҕар норуот дьокутааттара «Саха Өрөспүүбүлүкэтигэр тыа хаһаайыстыбатыгар аналлаах сирдэр үүнүүнү…
Ил Түмэн онус ыҥырыылаах пленарнай мунньаҕар СӨ Тыл туһунан сокуоҥҥа чуолкайдыыр уларытыылары киллэриигэ сокуон барыла…
Саха Өрөспүүбүлүкэтин Ил Түмэнин онус ыҥырыылаах пленарнай мунньаҕар иккис уонна бүтэһиктээх ааҕыыга өрөспүүбүлүкэҕэ арыгыны атыылааһыныгар…