Хаартыска: СИА.
Саха сиригэр үс бүөрдээх кыыһы эпэрээссийэлээтилэр. 16 саастаах кыыс иигин туппат буолан хаалбыт. Кини төрүөҕүттэн биир бүөрэ эбии хос үүнүүлээх, судургутук эттэххэ, үс бүөрдээх, онон эбии бүөрүн ылан быраҕыахтаахтар эбит. Ол эрээри…
1-кы №-дээх Өрөспүүбүлүкэтээҕи балыыһа-Национальнай мэдиссиинэ киинин педиатрическай киинин урологическай салаатын сэбиэдиссэйэ Сергей Купряков этэринэн, кыыс үһүс бүөрүн хаалларбыттар.
— Бүөрүттэн кэлэр иик ханаала сыыһа сыста сылдьар этэ. Онон кыратыттан иигин туппат буолан, эрэйдэнэр эбит. Бастаан хос бүөрүн ылан кэбиһээри гынан баран, үчүгэйдик чинчийии кэжнниттэн, бу уоргана сөпкө үлэлиирэ чуолкайданна. Онон кыра хайаҕас оҥорон, хабаҕын таһыгар сылдьар иик ханаалын быстыбыт. Ол эбэтэр, икки иик ханаала хабахха барар биир ханаалга силбэстэ. Онон иигин туппат буолан, эрэйдэммэт буолла. Маны тэҥэ, үһүс бүөрүн хааллардыбыт, ол кыыска мэһэйдээбэт. Иик ханаала сыыһа сыста сылдьарын булар уустук, бэргээтэҕинэ, инфекция киирэн, иһэн, күүскэ ыарытыан сөп, — диэн Сергей Купряков кэпсээтэ.
Бу эпэрээссийэни оҥороору, биллэр хирург, Иркутскай уобалаһын оҕо килиньиичэскэй балыыһатын сүрүн бырааһа Юрий Козлов Дьокуускайга кэлбитэ. Эпэрээссийэ этэҥҥэ ааста диэн СИА суруйар.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…