Үс эһэни бултаабыт киһи сууттаныаҕа

Абый оройуоннааҕы РФ ИДьМ силиэстийэлиир салаата үс хагдаҥ эһэни сокуоннайа суохтук бултаабыт олохтоох киһи холуобунай дьыалатын силиэстийэтин түмүктээтэ. Эр киһи РФ Холуобунай кодексын 258 ыст. 2-с ч. буруйданар диэн СӨ ИДьМ пресс-сулууспата иһитиннэрэр.

Силиэстийэ быһаарбытынан, 2024 сыл ыам ыйыгар олохтоох эр киһи бултуур сиргэ сылдьан тимир торуостарынан туһах оҥорон, мэҥиэ ууран, эһэни бултуур быраабылалары кэспит.

Маннык бобуулаах көрүҥүнэн кини үс эһэни бултаабыт — биир атыыр уонна икки оҕо эһэни.

Барыллаан силиэстийэ кэмигэр эр киһи хоромньуну барытын толуйбут, 540 тыһ. солк. төлөөбүт.

Холуобунай дьыала суукка барбыт. Видео манна баар.