IV Хотугу сир туруктаах сайдыытын пуорумун пленарнай мунньаҕын түмүгүнэн үс эрэгийиэн баһылыктара санааларын эттилэр.
Уһук хоту сытар үс эрэгийиэн кыһалҕата биир – Арктика сайдыыта, онно олохтоох дьон олоҕо, энергетика, айылҕа харыстабыла. Пуорумҥа аан дойду ааттаахтарын кытары сөптөөх хайысхалары көрүү, дьүүллэһии – улахан кыахтары биэриэҕин үгүстүк бэлиэтээтилэр.
«Бүгүн Арктикаҕа бииргэ үлэлээһин суолтата олус улахан уонна наадалаах. Бу бүгүн мустубут үс эрэгийиэн туһалаах сиртэн хостонор баайы хостооһуҥҥа Арассыыйаҕа биэс иһигэр киирэр уонна биһиги бииргэ үлэлээһиммититтэн дойду экэнэмиичэскэй кыаҕа онтон улахан тутулуктаах. Айылҕа харыстабылын боппуруостарыгар, хотугу төрүт олохтоох норуоттар олохторун-дьаһахтарын сайыннарарга кыахпытын түмэн, бары бииргэ үлэлиирбит көдьүүстээх. Хотугу сир туруктаах сайдыытын пуорума бүгүн туспа үрдүк суолталаах экспертнэй быласаакка буоларын көрдөрдө. Аан дойду сааҥсыйатын аахсыбакка, бу пуорумҥа 10 дойду кытынна. Кыттааччылар үрдүк сыанабыллара санаабытыгар күүс эптэ», – диэн Ил Дархан Айсен Николаев эттэ.
Ханты-Мансийскай автономнай уокурук губернатора Наталья Комарова: «Хотугу пуорум – бу бииргэ үлэлээһин көдьүүһүн үрдэтэр хайысха. Ыаллыы сытар эрэгийиэн буоламмыт, сайдыы тосхоллорун бииргэ толкуйдаан, бэйэ-бэйэбитин эбэн-ситэрсэн оҥорорбут кэскиллээх буолара саарбаҕа суох. Биһиги эрэгийиэммит айылҕа харыстабылын хайысхатыгар элбэх ураты интэриэһинэй бырайыактардаахпыт. Олор Хотугу пуорум иитинэн бараллар», – диэн санаатын үллэһиннэ.
«Биһиги эрэгийиэннэрбит уруккуттан доҕордоһоллор уонна үлэбит түмүктээх буолар. Бырайыактарбыт бары бырамыысыланнас уонна нэһилиэнньэҕэ ананан оҥоһуллаллар. Билиҥҥи балаһыанньаны аахсыбакка, баар кыахтарбытын сөпкө туһанан Хотугу пуорум ылыммыт соруктарынан, бииргэ үлэлээн, Арктическай технологияларга научнай кииннэрбитин кытары сөптөөх быһаарыныылары ылынан, үлэбит көдьүүстээх буолуо», – диэн эттэ Ямало-Ненецкэй автономнай уокурук губернатора Дмитрий Артюхов.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…