«Үс Хатыҥ» тэрээһиннэрэ саҕаланнылар

Бүгүн Туймаада ыһыаҕа ыһыллар үөрүүлээх күнүгэр сарсыарда 7 чаастан куорат олохтоохторо эдэрдиин-эмэнниин «Үс Хатыҥ» туһаайыытын тутустулар.

Баҕар, эрдэ буолан эбитэ дуу (сарсыарда 8 чаастан хоҥнубуппут), массыынабыт көрүөх бэтэрээ өттүгэр Марханы ааһан, туох да харгыһа суох ыһыахтыыр сири тутустубут. Аара суолу уунан илиппит буолан, быыл суох.

Үс Хатыҥҥа кэлээт, уһун-субуй уочаракка түбэстибит. Бу — арчыланаары турар дьон.

Улуустар түһүлгэлэрин көрө иһэн, быйыл Олоҥхо ыһыаҕа ыытыллар Өймөкөөн улууһун түһүлгэтин көрө түстүм. Өймөкөөннөр быйыл бэркэ тэриммиттэр. «Киви» пиирмэ үлэһиттэрэ астарын-үөллэрин тарда сылдьаллар эбит.

Аара баран иһэн, аны охчуттар күрэхтэһиилэрин алгыы турар тэрээһиҥҥэ түбэстим.

Ити курдук, бииртэн биир тэрээһин саҕаланна.