Коллаж: Роман Данилов
Дьон-сэргэ биһирэбилин ылбыт, успуорт төрүт көрүҥнэригэр “Дыгын оонньуулара” турнир буолара бу тиийэн кэллэ. Ситиһиини эрэнэ күүтэр, бастакытын кыттар уонна хас да сыл дьон хараҕын далыгар үүммүт-сайдыбыт, хаһыс да төгүлүн кыттар спортсменнар бааллар. Уопсайа кыттааччылар — уон үстэр.
Ол курдук, быйыл Артем Варданян (Нам) бүтэһик кыттыым диэн биллэрбитэ, оттон Яков Дмитриев (Кэбээйи), Айхал Бюлтясов (Үөһээ Бүлүү), Артем Дьяконов (Кэбээйи), Алексей Соколов (Сунтаар) быйыл Үс Хатыҥҥа сүрэхтэниэхтэрэ.
Былырыыҥҥы чөмпүйүөн Алексей Уваровскай (Кэбээйи) атаҕын эчэтэн, кыттыбатын биллэрбитэ.
Маны таһынан, оонньууларга Вячеслав Дьяконов (Нам), Айсен Ботуев (Үөһээ Бүлүү), Дьулустаан Ноговицын (Горнай), Николай Матаннанов (Таатта), Николай Обоев (Ньурба), Айсен Семенов (Өлөөн), Петр Прудецкай (Үөһээ Дьааҥы) кыттыыны ылаллар.
Боотурдар үгэс буолбут сэттэ көрүҥҥэ күрэхтэһиэхтэрэ: «Үс төгүл үс», «Тутум эргиир», мас-рестлинг, оҕунан ытыы, 400 миэтэрэҕэ сүүрүү, хапсаҕай уонна тааһы көтөҕүү.
«Дыгын оонньуулара» сылтан сыл аайы дьон интэриэһин тардаллар. Билигин бары ким кыайыылаах буоларын таайаллар.
Турниры бу сыылканан онлайн көрүөххэ сөп.
Ааптар: Эльдар Садовников.
Бүгүн, тохсунньу 3 күнүгэр, өрөспүүбүлүкэ баһыйар үгүс өттүгэр хаардыаҕа. Арҕаа 9-14 м., соҕуруу 15-17 м.…
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…