Үс Хатыҥҥа хомус тыаһа дьүрүһүйдэ

Бүгүн, бэс ыйын 29  күнүгэр,  Туймаада Ыһыаҕар «Саргылаах сахам хомуһа» диэн хомусчуттар ансаамбылларын күөн күрэһэ ыытылынна.

Түһүлгэҕэ 100 хомусчут түмүстэ диэн СИА кэрэспэдьиэнэ Нарыйа Пахомова суруйар. Манна оҕолор да, улахан дьоннор да ансаамбыллара кэлбиттэр. Ол курдук, үс оҕо кэлэктиибэ уонна тоҕус улахан дьон ансаамбыллара.

Дьүүллүүр сүбэҕэ Хомус түмэлин уонна Хомус аан дойдутааҕы киинин дириэктэрэ Дмитрий Бястинов, импровизатор-хомусчуттар Айсен Деллохов уонна Алена Платонова киирэн көрбүттэр-истибиттэр, сыаналаабыттар. Кинилэр болҕомтолорун хас биирдии кыттааччы хомуска оонньуур маастарыстыбатыгар, ансаамбыл оонньуур дорҕоонугар, талыллыбыт тиэмэни уонна сценическэй уобарастары арыйыыларыгар уурбуттар.

Хаартыскаҕа Нарыйа Пахомова түһэриитэ, СИА