Үс хонуктааҕыта Булуҥ улууһугар сүппүт эр киһи көстүбүт

Алтынньы 22 күнүгэр Булуҥ улууһугар үс хонуктааҕыта сураҕа суох сүппүт киһини буллулар.

Бу туһунан Саха сиринээҕи Быыһыыр сулууспатын пресс-сулууспата иһитиннэрэр. 51 саастаах эр киһи алтынньы 19 күнүгэр Тиксии бөһүөлэгиттэн снегоходунан айаннаабыт. Кини Хара Уулаах нэһилиэгин диэки айаннаабыт да, тиийиэхтээх сиригэр тиийбэтэх. Кинини аймахтара уонна олохтоохтор көрдөөбүттэр.

Быыһыыр сулууспа үлэһиттэрэ сүппүт эр киһини Хара Уулаах таһыгар булбуттар. Кэлин биллибитинэн, айанньыт суолга снегохода алдьаммыт. Көстүбүт эр киһи туруга үчүгэй, мэдиссиинэ көмөтүгэр наадыйбат, диэн Саха сиринээҕи Быыһыыр сулууспатыгар чуолкайдаатылар.