Саха сиригэр үс игирэ уонна онтон элбэх оҕо тэҥинэн төрөөбүт дьиэ кэргэнэ, саҥардыллыбыт быраабыланан, элбэх оҕолоох ыал олорор дьиэтин усулуобуйатын тупсарарга биир кэмнээх харчынан төлөбүрү түргэнник ылар кыахтанна.
Туһааннаах уураах бүгүн, сэтинньи 24 күнүгэр ылылынна. Онуоха «Ийэни, дьиэ кэргэни уонна оҕону өйөөһүн – өрөспүүбүлүкэ сүрүн соруга. Биһиги өрөспүүбүлүкэбит Уһук Илин эрэгийиэҥҥэ оҕо төрөөһүнүгэр лиидэринэн буолар. Ол иһин биһиги сырыы аайы элбэх оҕолоох ыалы өйүүр дьаһаллары эбэбит уонна тупсаран иһэбит», – диэн Ил Дархан Айсен Николаев эттэ.
Саҥа быраабыланан, үс игирэ уонна онтон элбэх тэҥинэн төрөөбү оҕолоох ыаллар дьиэ атыылаһалларыгар эбэтэр тутталларыгар биир кэмнээх төлөбүр тиийиммэт-түгэммэт киритиэрийин учуоттаабакка, кыһалҕалаахтарын-суоҕун туһунан сибидиэнньэни ирдээбэккэ оҥоһуллуо диэн СӨ үлэҕэ уонна социальнай сайдыыга миниистирэ Елена Волкова бэлиэтээтэ.
Итини таһынан, төлөбүрү туһаныыга сайабылыанньаны биэрии болдьоҕо хааччахтаммат буолуо. Санатар буоллахха, урут үс игирэ төрөөтүн кытары сыл аҥарын иһигэр сайабылыанньа бэриллэр этэ, оттон саҥа дьаһалынан оннук суох буолуо.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…