Бэс ыйын 20 күнүгэр быйыл Саха сиригэр бастакынан төрөөбүт үс игирэни үөрүүлээх быһыыга-майгыга балыыһаттан таһаардылар. Слепцовтар дьиэ кэргэттэригэр ыам ыйыгар үс уол оҕо төрөөбүтэ. Кинилэргэ дьиэ ылалларыгар сэртипикээт биэрдилэр диэн СИА суруйар.
Игирэ уолаттар 3 саастаах убайдаахтар. Үөрүүлээх түгэҥҥэ Слепцовтар чугас дьонноро, аймахтара, доҕотторо уонна үлэ, социальнай сайдыы миниистирэ Елена Волкова, доруобуйа харыстабылын миниистирин бастьакы солбуйааччы Дмитрий Сергин эҕэрдэлии кэллилэр.
Дьиэ кэргэҥҥэ 4 644 297 солкуобайдаах сэртипикээти уонна хас биирдии оҕоҕо 100-түү тыһыынча солкуобайдаах «100 сыл оҕолоро» хапытаалы туттардылар.
— Үс игирэ буоларын туһунан истэн баран, олус соһуйбуппут. Кыратык куттаммытым эрээри, кэргэним уонна төрөппүттэрим өйөөбүттэрэ. Хат сылдьар кэмим үчүгэйдик ааспыта, кырачааннар 33-с нэдиэлэлэригэр төрөөбүттэрэ, — диэн ийэлэрэ Валентина Слепцова кэпсээтэ.
— Бүгүн олус үөрүүлээх күн. Үс игирэни төрөппүт ыалларга биһиэхэ дьиэ ылалларыгар көмөлөһөр миэрэ баар. Бүгүн Слепцовтарга дьиэ ыларга сэртипикээти туттардыбыт. Үс игирэни төрөппүт ыаллар маннык көмөнү туох да атын ыспыраапката суох ылар буолуохтара, — диэн Елена Волкова бэлиэтээтэ.
Игирэлэр ыам ыйын 11 күнүгэр 1680,1600, 1580 кыраам ыйааһыннаах төрөөбүттэрэ. Кинилэри Александр, Степан уонна Савелий диэн ааттаабыттара.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…