Хаартыска уонна видео: Елена Потоцкая.
Оҕону иитиигэ аҕа улахан оруоллааҕа бары эр дьоҥҥо холобур буолар «Аҕа күрэҕэ» тэрээһиҥҥэ арылхайдык көстөр.
Бу суолталаах тэрээһин тыҥааһыннаах кэмигэр Тааттаттан ытык аҕа Иннокентий Жегусов уоллаах сиэнин кытта кэлсэн, аттыларыгар баара төһөлөөх эрэли сахпыта буолуой!
Мин сорох дьон кыттааччылар бэйэлэрэ балааккалаах кэлбиттэрин бэлиэтии көрөн, ким хайдах дьаһанан кыттарга бэлэмнэллэрин билсэ сылдьыбытым. Таатта Жегусовтарыгар түбэспитим. Аны аҕыйах чааһынан кинилэр кыайыылаах буолан, төрөөбүт Таатталарын дорҕоонноохтук ааттатыахтарын билбэттэр этэ. Жегусовтар дьиэ кэргэн аҕаларын илдьэ кэлэн, чэйдии-чэйдии сүбэ-ама ыла, күрэхтэһиигэ кыттаары, анньыыларын бэлэмнии олороллоро.
Ыал ытык аҕата, эһээтэ Иннокентий Степанович 50 сыл черчение уонна уруһуй учууталынан үлэлээбит. 7 уоллаах биир кыыстаах эбит. Ытык аҕа билигин да оҕолорун, сиэннэрин батыһа сылдьан өйүү сылдьар. Онон үс көлүөнэ Жегусовтар: аҕа, уол, сиэн “Аҕа күрэҕэр” кытта сылдьаллара – бастыҥ холобур.
— Былырыын өрөспүүбүлүкэтээҕи «Аҕа күрэҕэр” кыттан, 11-с миэстэ буолбуппут. Онон быйыл уопуттаах дьон быһыытынан, анаан бэлэмнэнэн кэллибит. Уолум Феликс быйыл оскуоланы бүтэрэр. Кини кэнниттэн оҕолор кыргыттар буолан, быйылгынан бу күрэхтэһиигэ кыттан бүтэбит”, — диэн кэпсээбитэ Герман Жегусов балааккаҕа олорон. Онон бүтэһик кыттыыларын уоллаах аҕа дьоһуннаахтык түмүктээтилэр – 25-с үбүлүөйдээх “Аҕа күрэҕин” кыайыылаахтарынан буоллулар. Бу сайын төрөөбүт дойдуларыгар буолуохтаах «Манчаары оонньууларыгар» Жегусовтар Таатта аатын ааттатан, улуустарын бэлиэ сылыгар дьоһуннаах бэлэҕи оҥордулар. Ыал ытык аҕата, эһэтэ Иннокентий Степанович оҕолорун кыайыыларын истэн баран, “сэттэ уолбун сүөһү ииттэн, хара үлэҕэ сыһыаран ииппитим үтүө түмүктээх буолла” диэн бэлиэтээбитэ.
Ытык аҕа оҕолорун кытта бииргэ сылдьар буолан, ол да иһин Жегусовтар быйылгы «Аҕа күрэҕэр» бастаатахтара!
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…
Аныгы үйэҕэ күннээҕи олохпутугар туох буортулааҕын, киһи этигэр-сиинигэр хайдах дьайарын биллэхпитинэ, быһаарыстахпытына эрэ, бэйэбит уонна…
Оҕону көрөргө уоппусканы ийэ эрэ ылыахтаах диэн буолбатах. Сокуон быһыытынан аҕа, эбээ, эһээ, атын аймахтар…
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…