Үс киһи өлүүлээх суол саахалынан холуобунай дьыала тэриллибит

Дьокуускай куорат борокуратуурата РФ ИДьМ Дьокуускайдааҕы силиэстийэлиир управлениета Холуобунай кодекс 264 ыст. 3 ч. (массыына ыыта сылдьар киһи суол быраабылатын кэһэн алҕас киһини өлөрүүтэ) көбүтүллүбүт холуобунай дьыаланы сокуоннайынан аахта.

Холуобунай дьыаланы көбүтэллэригэр, 2025 сыл кулун тутар 5 күнүгэр Дьокуускай куоракка күнүс Ленин проспегар «Toyota Succeed» уонна «Toyota Land Cruiser» массыыналар харсыспыттара быһаарыллыбыт.

Суол быһылаанын түмүгэр, ылбыт эмсэҕэлээһиннэриттэн балыыһаҕа киирэн «Toyota Succeed» массыына суоппара уонна олорсон испит икки киһи суорума суолламмыттар.

Күн бүгүн холуобунай дьыаланан силиэстийэлиир тэрээһиннэр ыытыллаллар, силиэстийэ хаамыыта борокуратуура тус хонтуруолугар баар. Бу туһунан СӨ борокуратууратын телеграмыгар суруйаллар.