Үс киһи сүтүүтүнэн Холуобунай дьыала тэрилиннэ

Өймөкөөн улууһугар сэрэҕэ суохтан үс киһи суорума суолланыытыгар Холуобунай дьыала тэриллибитин туһунан Саха сирин Силиэстийэлиир кэмитиэтэ иһитиннэрэр.

Биэдимистибэ иһитиннэрбитинэн, 1980, 1984 уонна 1956 сыллаах төрүөх эр дьон сэтинньи 5 күнүгэр «Буранынан» Туостаах диэн сиргэ балыктыы барбыттар. Сэтинньи 7 күнүн сарсыардатыгар кинилэр балыктыахтаах сирдэригэр икки киһи тиийбит уонна «Буран» суолун көрбүттэр. Индигиир өрүскэ «Бураннара» түспүтүн булбуттар эрээри, балыксыттар ууттан тахсыбыттарын сибикитэ суох эбит. Онон үс эр киһи ханна бааллара чуолкай биллэ илик. Билигин суһал-көрдүүр, дакаастыыр үлэлэр ыытыллаллар.