Үс киһи турпутевка атыылаһаары харчыларыттан маттылар

Бу күннэргэ Саха сирин ИДьМ сулууспатын дьуһуурунай чааһыгар түөкүттэргэ албыннаппыт дьонтон хас да сайабылыанньа киирбитэ билиннэ.

Ол курдук, түөкүттэр угаайыларыгар киирэн биэрбит эмсэҕээлээбит дьон  туристическай ааҕыныстыба менеджериттэн санаторнай-курортнай путевкалары атыыласпыттарын туһунан быһаардылар. Хара санаалаах менеджер путевканы харчытын ылан баран, сибээскэ тахсыбат буолар эбит, ол түмүгэр сынньана барыахтаах дьон тута харчыларыттан маппыттар.

Суһал-көрдүүр дьаһалларынан холуобунай ирдэбил үлэһиттэрэ уорбаланааччыны туттулар. Ол курдук, уорбаланааччы 37 саастаах киин куорат олохтоох дьахтара  чахчы Дьокуускай куорат ааҕыныстыбатыгар урут үлэлии сылдьыбыта быһаарылынна. Элбэх харчыны баһан ылаары уорбаланааччы дьахтар үлэтиттэн уурайбытын кистээн туран, клиеннэртэн санаторнай-курортнай эмтэниигэ барыахтаах путевкаларын харчытын хомуйбут. Ону ааһа баран  бэйэтигэр итэҕэтээри клиеннэргэ сымыйа дуогабардары суруйан туттарбыт.

Полициялар уорбаланааччы үс киһин албыннаабытын быһаардылар. Хоромньу уопсай суумата 130 тыһыынча солкуобай буолбут. Российскай Федерация Холуобунай Кодексын 1 ч. 159 ыст. холуобунай дьыала тэрилиннэ. Бу туһунан ИДьМ пресс-сулууспата суруйар.