Үс киһилээх оҥочо түҥнэстибит

Дьааҥы өрүскэ Усуйаана  оройуонугар мотуордаах оҥочо түҥнэстибит. Суудунаҕа үс киһи баар эбит.   Бу туһунан  РФ силиэстийэлиир кэмитиэтин Илиҥҥи эрэгийиэннэр икки ардыларынааҕы тырааныспарка  силиэстийэлиир  управлениета иһитиннэрдэ.  

Барыллааһын быһыытынан, атырдьах ыйын 22 күнүгэр,    Усуйаана  (Усть-Янск) бөһүөлэгиттэн  118 км сиргэ  Дьааҥыга  үс киһилээх  мотуордаах оҥочо түҥнэстибит.

Кинилэр бэйэлэрэ кытылга харбаан тиийбиттэр, ол гынан баран, онно тиийэн баран  биир киһилэрэ өлбүт.

РФ   силиэстийэлиир кэмитиэтин Илиҥҥи эрэгийиэннэр икки ардыларынааҕы тырааныспарка силиэстийэлиир  управлениетын Саха сиринээҕи отдела туһааннаах быһылаанынан  бэрэбиэркэ ыытар.

Санатан эттэххэ, аҕыйах хонуктааҕыта Усуйаана улууһугар эмиэ  оҥочо түҥнэстибитэ.