Хаартыска: "Адвокат".
Аныгы үйэҕэ харчыны ыга үктээн ылан байаары, киһини уоран, кырбыы-кырбыы хаайан сытыарар диэни истибиккит дуо? РФ Силиэстийэлиир кэмитиэтин Силиэстийэлиир управлениета иһитиннэрбитинэн, Дьокуускай олохтоохторо — 3 киһи РФ Холуобунай кодексын хас да ыстатыйатынан (киһини уоруу, ороспуойдааһын, харчыны күһэйэн көрдөөһүн) сууттанна.
Силиэстийэ уонна суут быһаарбыттарынан, 2021 сыл сайыныгар бу дьон соруйан киксэн баран, 3 киһини (ол иһигэр 1 кыыһы) уорбуттар.
Бу сиэртибэлэрин кырбыы-кырбыы харчы көрдүүллэр эбит. Кинилэри биир гарааска хаайан олордубуттар. Кыыс, хата, социальнай ситиминэн билэр киһитигэр иһитиннэрии ыытан кэбиспит. Онуоха төлөпүөнүн былдьаабыттар уонна кырбаабыттар.
Бу иһитиннэриинэн сирдэтэн, полициялар гарааска кэлэн, дьону быыһаабыттар уонна буруйу оҥорооччулары туппуттар.
Суут бириигэбэринэн, икки киһи 11 уонна 12 сылга кытаанах эрэсиимнээх холуонньаҕа хаайыллыбыттар. Үһүс сууттанааччы буруйу оҥорор кэмигэр сокуоннай сааһын туола илик эбит, уопсай эрэсиимнээх холуонньаҕа 5 сылга көҥүлэ быһылынна.
Бу киһийдэхтэр, арааһа, криминальнай киинэни көрөн, олоххо киллэриэххэ, маннык ньыманан түргэнник байыахха сөп дии санаабыттар быһыылаах. Буруйу оҥоруу иэстэбиллээх буолар диэн өйдөөбөтөхтөрө дуу?
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Убаастабыллаах Саха сирин олохтоохторо, энэргэтиичэскэй комплекс үлэһиттэрэ уонна бэтэрээннэрэ! Эһиги үрдүк таһымнаах үлэҕит, эппиэтинэскит, бэриниилээх…
Дьокуускайга чааһынай дьиэҕэ 17, 11 уонна 9 саастаах оҕолор ититии систиэмэтиттэн тахсар гаастан үгээрдээбиттэр. Борокуратуура…
Бу күннэргэ Өймөкөөн улууһун салалтата быйыл алдьатыылаах халаан кэнниттэн эмсэҕэлээбит нэһилиэктэринэн сылдьан, чөлүгэр түһэрии үлэтин…
Бу күннэргэ Саха сирэ аан дойду үрдүнэн саамай тымныы сиринэн буола сырытта. Бу туһунан РФ…