Үс күн иһигэр хас да бөдөҥ баһаар умуруорулунна

Саха сиригэр кэлиҥҥи үс күҥҥэ, ойууру баһаартан харыстыыр үлэһиттэр күүстэринэн ойуур баһаара балачча аччатылынна.

Ол курдук, бэс ыйын 28 күнүгэр 180 ойуур баһаарыттан от ыйын 2 күнүн сарсыардатыгар 102 баһаарга диэри умуруорулунна. Бу туһунан “Россия24” телеханаал быһа эпииригэр өрөспүүбүлүкэ Ил Дархана Айсен Николаев иһитиннэрдэ.

“Авиалесоохрана”, ойуур баһаарын утары охсуһар бары тэрилтэлэр үлэһиттэрэ эр санаалаахтык уоту утары охсусупуттарын түмүгэр хас да бөдөҥ баһаар умуруорулунна”, — диэн тоһоҕолоон бэлиэтээтэ Айсен Николаев.