Үс күннээх быыбарга куоластааһын түмүктэннэ

Бүгүн, балаҕан ыйын 10 күнүгэр, 20:00 чааска өрөспүүбүлүкэ сиригэр-уотугар баар бары быыбардыыр учаастактар сабылыннылар уонна куолас ааҕыытыгар киирдилэр. Куолаһы тохтобула суох түмүк тахсыар диэри ааҕыахтара.

Быыбар учаастактара куоластааһын түмүгүн туһунан дааннайдар боротокуолларын ГАС «Выборы» уктулар даҕаны, быыбар барыллаан түмүгүн туһунан иһитиннэриини СӨ Киин быыбардыыр учаастагын саайтыгар уонна телеграм-ханаалыгар таһааран иһиэхтэрэ. Бу туһунан СӨ Киин быыбардыыр хамыыһыйата иһитиннэрэр.

Быыбарга нэһилиэнньэ кыттыытын туһунан бүтэһик барыллаан ааҕыы балаҕан ыйын 10 күнүн 18:00 ч. тахсыбыта, куоластааһын 45,37% этэ. Оттон чопчу сыыппара куолас ааҕыллыытын эрэ кэннэ оҥоһуллуоҕа.