Үс массыына кыттыылаах суол быһылаана таҕыста

Сэтинньи 25 күнүгэр Дьокуускай куоракка  Окружной  шоссеҕа үс массыына кыттыылаах суол быһылаана таҕыста. 

Госавтоиниспиэксийэ Дьокуускайдааҕы отделын начаалынньыгын э.т. Иванов Гаврил иһитиннэрбитинэн, киэһэ  17 чаас саҕана 27 саастаах  таһаҕаһы тиэйэр  «FAW J6»  массыына суоппара Дзержинскэй уулусса өттүттэн  Окружной шоссенан айаннаан иһэн, уруулун кыайан туппакка, утары балаһаҕа тахсан  «Toйота Аллионы» кытта харсыспыт. Туһааннаах массыына кэнниттэн айаннаан испит   «Хонда Шаттл» эмиэ суол быһылааныгар түбэспит.

Суһал көмө биригээдэтэ кэлэн  «Toyota Allion» массыынаҕа олорсон испит  ыарахан туруктаах 2007 с.т. пассажирын балыыһаҕа илдьибит.

Билигин туһааннаах быһылаанынан бэрэбиэркэ ыытыллар.