Үс муниципальнай тэриллии ититии сезонун пааспарын ситэ толоро иликтэр
11.11.2022, 18:47
Бөлөххө киир:
Өрөспүүбүлүкэҕэ 2022-2023 сылларга ититии сезонугар олорор дьиэ уонна социальнай эбийиэк 100% киирдэ.
Үс муниципальнай тэриллии сэтинньи 15 күнүгэр диэри хонтуруоллуур уорганнар ирдэбиллэрин толоруохтаахтар уонна бэлэм буолуу пааспардарын ылыахтаахтар. Бу маннык соругу Ил Дархан улуус дьаһалталарыгар бүгүн прокуратура үлэһиттэрин кытта мунньахха туруорда.
«Былырыын түөрт муниципальнай тэриллии ититии сезонугар бэлэм буолуу пааспара суох киирбиттэрэ. Быйыл икки оройуон уонна Бүлүү куората пааспардара суох. Ол эрээри сэтинньи 15 күнүгэр диэри бириэмэ баар. Онон туһааннаах докумуону ылыыга үлэлэһэр сорук турар», – диэн бэлиэтээтэ Айсен Николаев. Аҕа баһылык хомунаалынай тэрилтэлэр эбийиэктэригэр саахал тахсыбатын туһугар ураты болҕомто ууруллуохтааҕын ыйда. Бырабыыталыстыба уонна тустаах министиэристибэлэр саахалы таһаарбат гына эбии миэрэлэри ылалларыгар соруйда.
СӨ ОДьКХ уонна энергетикэ миниистирэ Вячеслав Емельянов иһитиннэрбитинэн, 45 муниципальнай тэриллии докумуонун Ростехнадзорга туттарбыт. Бэрэбиэркэ түмүгүнэн бэлэм буолуу пааспарын Булуҥ, Бүлүү улуустара уонна Бүлүү куората ыла иликтэр. Ол сүрүн төрүөтэ — докумуону сыыһа толоруу. Миниистир бэлиэтээбитинэн, хонтуруоллуур уорганнар ирдэбиллэрин кэккэ улуус бүгүн толоруохтаахтар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: