Хаартыска: pxhere.com
Өрөспүбүлүкэтээҕи Ис дьыала министиэристибэтин пресс-сулууспата иһитиннэрэринэн, Дьокуускай куорат үс олохтооҕо түөкүттэргэ киирэн биэрбиттэр. Үс түгэҥҥэ үһүөннэригэр түөкүттэр харчы “өлөрөр” араас ньыманы туһаммыттар.
Бастакы түгэҥҥэ, 36 саастаах Саха сирин олохтооҕо сибидээнньэҕэ ыҥырыллан, 15,5 тыһ. солк. сууматыттан ытыс соттон хаалбыт. “Александра” диэн ааттаах кыыс эр киһини киинэҕэ ыҥырбыт итиэннэ ыйыллыбыт сигэнэн киирэн билиэттэ уурдар диэн көрдөспүт. Эр киһи онно киирэн каартатын чахчыларын киллэрээтин кытта, харчытын көрүөх бэтэрээ өттүгэр барытын устан ылбыттар, ону кытта таайтарыылах “Александра” күдэрик кэриэтэ симэлийэн хаалбыт.
Иккис түгэҥҥэ, 26 саастаах кыыс үлэ көрдүүрүн туһунан бэйэбилин (резюме) куйаар ситимигэр таһаарбыт. Тута копирайтер вакансиятыгар үлэҕэ ылааччылар сибээстэспиттэр. Ол эрээри, дьиктитэ баар, үлэҕэ киирэргэ кирэдьиит оҥорторор ирдэнэр диэбиттэр. Үлэ көрдүүр кыыс эппиттэрин толорон, 500 тыһ. солк. суумаҕа кирэдьиит оҥорторбут. Харчытын көһөрбүт, оттон күннэтэ 10 тыһ. солк. хамнаһы эрэннэрбит үлэлэрэ – суох.
Үһүс түгэҥҥэ, баан үлэһиттэрэбит диэн тэрилтэ дириэктэрин албыннаабыттар. Төлөпүөн түөкүттэрэ салайааччыга эрийэн, анал сыһыарыыны хачайдыырыгар “сүбэлээбиттэр”. Инньэ гынан, бу киһи төлөпүөнүгэр баар тус дааннайдарыгар киирэн, ол иһигэр үп-харчы, 80 тыһ. солк. тахса сууманы уорбуттар. Бу туһунан yakutia-daily.ru суруйар.
Ааспыт нэдиэлэҕэ өрөспүүбүлүкэҕэ уонна Донааҕы Ростовка госпиталларга байыаннай дьайыы кыттыылаахтарыгар, кинилэр дьиэ кэргэттэригэр, уопсайа 180…
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…