Хаартыска sakha.gov.ru ылылынна
Ыам ыйын 11 күнүнээҕи иһитиннэриинэн, ойуур уонна ландшафтнай баһаары умуруорууга барыта 345 киһи уонна 32 тиэхиньикэ үлэлиир.
Бүгүн Дьааҥы оройуонугар ойуур баһаарын утары охсуһууга үлэлиир бөлөххө Дьокуускайтан эбии 20 киһи барар.
Аҕыс салгын аала өрөспүүбүлүкэ 10 улууһун сирин уотун ботурууллуур. Уоту умуруорууга Ми-8 икки бөртөлүөт үлэлиир.
Иһитиннэриллибитинэн, бүгүн 3 047 гект. иэннээх сири хаппыт 15 ойуур баһаара баара бэлиэтэнэр: биэс — Дьааҥы оройуонугар, түөрт — Эбээн Бытантай улууһугар, үс – Уус Алдаҥҥа, биирдии ойуур баһаара – Бүлүү, Мэҥэ Хаҥалас уонна Чурапчы улуустарыгар.
Ландшафтнай баһаардар Дьааҥыга, Мэҥэ Хаҥаласка, Намҥа, Уус Алдаҥҥа, Хаҥаласка уонна Дьокуускай куорат уокуругун сиригэр-уотугар бэлиэтэнэллэр.
Суукка устатыгар алта ойуур баһаара умуруоруллубут, уот хаппыт уопсай иэнэ 4 445 гект., ону таһынан 12 ландшафтнай (иэнэ 196 гектар).
Саха сиригэр баһаар кутталлаах сезона саҕаланыаҕыттан 152 ландшафтнай уонна 66 ойуур баһаара бэлиэтэммит.
Дьааҥы уонна Уус Алдан улуустарыгар баһаары утары охсуһуу эрэсиимэ киллэриллибитэ.
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…