Хаартыска: sakha.gov.ru ылылынна
Бүгүҥҥү күн туругунан 2997 байыаска мэдиссиинэ көмөтө оҥоһуллубут. Мантан 2204 тастан сылдьан эмтэммит, доруобуйатын чэбдигирдибит, 793 байыас балыыһаҕа сыппыт.
Бу туһунан бүгүн СӨ доруобуйа харыстабылын министиэристибэтин бэрэстэбиитэлэ Лилия Анкушева иһитиннэрдэ.
«Байыастарга уонна кинилэр дьиэ кэргэттэригэр байыаннай дьайыы саҕаланыаҕыттан көмө оҥоһуллар. Бүгүҥҥү күн туругунан 321 байыас доруобуйатын чэбдигиртэ, психотерапевтическай уона психиатрическай көмө 638 байыаннай сулууспалаахха оҥоһулунна«, — диэн этэр кини.
2024 сыл муус устартан байыаннай дьайыы кыттыылаахтарыгар диспансеризация ыытыллар. Былырыын маннык тэрээһиҥҥэ уопсайа 800 кэриҥэ киһи хабыллыбыта. Диспансеризацияны бастакы сүһүөх мэдиссиинэ тэрилтэлэрэ нэдиэлэ алтыс күнүгэр оҥороллор. Бу биир күҥҥэ байыаннай дьайыы кыттыылаахтара доруобуйаларын көрдөрүөхтэрин сөп.
Маны таһынан, байыаннай дьайыы саҕаланыаҕыттан Саха сирин быраастара саҥа сиргэ-уокка олохтоохторго мэдиссиинэ көмөтүн оҥоро бараллар. Бу СӨ Ил Дархана Айсен Николаев сорудаҕынан ыытыллар.
Ол курдук, Саха сирэ ыкса сибээһи олохтообут ДНӨ Докучаевскай куоратыгар быраастар биригээдэлэрэ хардарыта барар. Билигин онно хирург, травматолог уонна реаниматолог үлэлии сылдьаллар. Былырыын муус устарга, от ыйыгар уонна алтынньыга харах балыыһатын быраастара ДНӨ Кировскайыгар уонна Докучаевскайыгар баран көмөлөспүттэрэ.
Быраастар приемнай отделениеҕа суһал мэдиссиинэ көмөтүн оҥороллор, хирургия отделениетыгар бары пациеннары көрөллөр-истэллэр, арыаллыыллар. Докучаевскайга үлэ саҕаланыаҕыттан 800 тахса эпэрээссийэ оҥоһуллубут. Харах быраастара 283, хирурдар уонна травматологтар 554 эпэрээссийэни оҥорбуттар.
Саха сирин быраастара Докучаевскай олохтоохторугар көмөлөһөллөрүн таһынан, куорат киин балыыһатын исписэлиистэрин кытары үлэҕэ үөрүйэхтэрин атастаһаллар.
СӨ Ил Дарханын уонна Бырабыыталыстыбатын пресс-сулууспата
2025 сылга “Саха Өрөспүүбүлүкэтигэр судаарыстыбаннай уонна официальнай тыллары харыстааһын уонна сайыннарыы” эрэгийиэннээҕи бырагыраама тэрээһиннэрин олоххо…
Саха сиригэр Нэһилиэнньэ дьарыктаах буолуутугар судаарыстыбаннай кэмитиэт үлэтин чэрчитинэн, байыаннай дьайыы 880-тан тахса кыттыылааҕа уонна…
Кэлиҥҥи кэмҥэ ордук кыһыҥҥы өттүгэр, массыына умайыыта элбээтэ. ЫБММ Саха сиринээҕи кылаабынай управлениета иһитиннэрбитинэн, олунньу…
Таатта улууһугар быйыл Манчаары спортивнай оонньуулара ыытыллар буолан, улуус киинигэр Ытык Күөлгэ уонна чугастааҕы нэһилиэктэргэ…
Бүгүн, олунньу 11 күнүгэр, "Кыайыы Знамята" эстэпиэтэ Горнай улууһугар тиийдэ. Бу туһунан Ил Дархан Айсен…
Ааспыт нэдиэлэҕэ Арассыыйа Судаарыстыбаннай сэбиэтин үс хамыыһыйатын мунньаҕа буолан ааста. Самара губернатора Вячеслав Федорищев бэрэссэдээтэллээх…