Хаартыска: СӨ Аҕа баһылыгын уонна бырабыыталыстыбатын пресс-сулууспата
Бүгүн, ахсынньы 12 күнүгэр, Нам улууһун Остуолба, Таатта улууһун Булуҥ уонна Томтор, Уус Алдан улууһун Дүпсүн нэһилиэктэригэр саҥа баһаарынай деполар үөрүүлээх аһыллыылара буолла.
— Урукку сылларга баһаарынай чаастар эргэ мас дьиэлэргэ олорон үлэлииллэрэ. Нам улууһугар сааскы халаантан баһаарынай пууннар улаханнык эмсэҕэлээбиттэрэ. Онон баһаарынайдар уустук усулуобуйаҕа үлэлии сылдьыбыттарын учуоттаан, оройуоннар дьаһалталара түргэнник дьаһанан, саҥа эбийиэктэр кылгас кэм иһигэр тутулуннулар. Бааһырынайдар үлэлиир усулуобуйалара тубуста, саҥа тэриллэринэн хааччылыннылар. Тэрээһиҥҥэ кыттыбыт дьоҥҥо – нэһилиэнньэлээх пууннар уонна муниципальнай оройуоннар баһылыктарыттан, баһаарынай сулууспа үлэһиттэриттэн саҕалаан, саҥа деполары тутууга күүс-көмө, өйөбүл буолбут олохтоохторго тиийэ махталбын тиэрдэбин, — диэн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников куйаар ситиминэн ыытыллыбыт тэрээһиҥҥэ бэлиэтээтэ.
Гражданскай оборуона уонна нэһилиэнньэ олоҕор куттал суоһаабатын хааччыйар миниистир Дмитрий Лепчиков уонна СӨ быыһыыр сулууспатын салайааччыта Иннокентий Андросов эҕэрдэ тылын бастыҥын эттилэр.
Санатан эттэххэ, 2009 сыллаахха тэриллибит Саха сирин баһаарынай сулууспата өрөспүүбүлүкэ 35 улууһугар , Дьокуускайга уонна Жатай бөһүөлэгэр үлэлиир.
Суһал-сэрэтэр тэрээһиннэр саҕаланыахтарыттан полиция үлэһиттэрэ омук дьоно олорор, үлэлиир 3,2 тыһыынчаттан тахса эбийиэктэрин бэрэбиэркэлээбиттэр. Бу…
Быйылгы тэрээһиҥҥэ физкултуура уонна успуорт эйгэтигэр хас да саҥа анал аат туттарыллыаҕа. Сыл бастыҥ күрэсчиттэрин,…
Саха сиригэр байыаннай дьайыы кыттыылаахтара үлэҕэ ылыллар кубуоталарын 5 тыһыынчаҕа тиийэ улаатыннарыахтара диэтэ Дьарыктаах буолуу…
Дьокуускай куорат национальнай гимназиятыгар 17 саастаах уол итии уу турбата тэстэн эчэйбит. СӨ Доруобуйаҕа харыстабылын…
Ил Дархан Айсен Николаев «Үтүө санаа харыйата» аахсыйаҕа кыттан, коррекционнай оскуола оҕолорун Жанна Горохова уонна…
2025 сыл 11 ыйын устатыгар өрөспүүбүлүкэҕэ 13,3 тыһыынчаттан тахса буруйу оҥоруу бэлиэтэммит (+8,0 %, 12,3…