Ыскаамыйаҕа утуйа сыттаҕына төлөпүөнүн уорбуттар

ИДьМ Чурапчы улууһунааҕы салаатын үлэһиттэрэ олохтоох киһиттэн төлөпүөн уоруутугар кыттыгастаах, эрдэ хас да төгүл суттана сылдьыбыт 46 саастаах киһини быһаарбыттар.

Барыллаан быһаарбыттарынан, эр киһи арыгы иһэн баран күнүс култуура уонна сынньалаҥ пааркатыгар утуйан хаалбыт. Буруйу оҥорооччу ону бэлиэтии көрөн, сиэбиттэн төлөпүөнүн сойботон ылбыт. Кини этэринэн, төлөпүөнү бэйэтэ туһанаары уорбут.

Уоруллубут төлөпүөнү булбуттар. Холуобунай Кодекс 158 ыст. 2 ч. (“Уоруу”) холуобунай дьыала тэриллибит. Бу туһунан ИДьМ пресс-сулууспата иһитиннэрэр.