Ыскылаат үлэһитэ түүн кэлэн табаар уорбут

Дьокуускайга полиция 3-с №-дээх отделын дьуһуурунай чааһыгар маркетплейс бэрэстэбиитэлэ ыскылаатыгар 54 тыһ. солк. суумалаах табаар итэҕэһин туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ маныаха ыскылаат 19 саастаах үлэһитэ уорбаланарын быһаарбыттар.

Быһаарыллыбытынан, уорбаланааччы түүн ыскылаакка киирэн дьааһыктаах табаардары уорбут. Ол иһигэр цифровой тиэхиньикэ уонна таҥас-сап баар. Уоруллубут сорох малын комиссионнай маҕаһыыҥҥа туттарбыт.

Уоруунан холуобунай дьыала тэрилиннэ.