Ыстаадалары бөрөлөр буулууллар

СӨ тыатын хаһаайыстыбатын уона аска-үөлгэ бэлиитикэтин министиэристибэтин Хотугу төрүт салаалары уонна балык хаһаайыстыбатын комплексын сайыннарыыга отделын салайааччыта Иннокентий Баланов иһитиннэрбитинэн, 2025 сыл тохсунньу 1 күнүнээҕи туругунан, бары көрүҥнээх хаһаайыстыбаларга 164015 таба иитиллэн турар.

Ол иһигэр тыа хаһаайыстыбатын тэрилтэлэригэр, бааһынай хаһаайыстыбаларыгар уонна ИП-ларга – 161015.

Статистика чахчытынан, 2024 сыл кулун тутар 1 күнүттэн  114 таба хаһаайыстыбата баар. Табаны иитэр биригээдэлэргэ 1245 киһи үлэлиир, ол иһигэр 101 табаһыт уонна 235 чуум үлэһитэ.

Билигин хаһаайыстыбаларга кыстык эппиэттээх кэмэ бара турар. Ыстаадалары бөрөлөр буулуулларын туһунан иһитиннэриилэр киирэллэр. Ол курдук, Үөһээ Халыма, Өймөкөөн, Эбээн Бытантай, Кэбээйи уонна Муома улуустарыгар. Онон сорох сирдэргэ бөрөһүттэр биригээдэлэрин тэрийбиттэр. Икки күн устата 7 бөрөнү Үөһээ Халыма улууһугар бултаабыттарын туһунан этэллэр.   Билигин таба иитэр хаһаайыстыбаларга кыайан туттарбатах 500 устуука тириилэрэ сытар.

Хаартыска: архыыптан