Киһи хонон турдаҕын аайы арааһы истэр ээ. Билигин дьону туохтааҕар даҕаны араас ыстарааптар чаҕыталлар диэтэхпинэ, бука, бары сүүс бырыһыан сөпсөһүөххүт дии саныыбын. Сөпсөһөргүтүн Биэтэс Билээхэп олох курдаттыы сэрэйэн олоробун.
Ол да буоллар, ыстараап баара, сороҕор абырыыр курдук эбит. Тоҕо? Бэҕэһээ дьэ биир интэриэһинэй сонуну иһиттим. Саха сиригэр уулуссаҕа, суолга-иискэ уонна оҕо былаһааккаларыгар бөҕү-сыыһы бырахпыт 23 киһини ыстарааптаан «лас» гыннарбыттар.
Аныгы сайдыыны, тиэхэнэлиэгийэ дииллэр дуу, соччо-бачча өйдөөбөппүн да буоллар, ол ким ханна тоҕо турарын хантан билбиттэрэ буолуой диэн муодарҕаан, күнү быһа өйбүн сыспытым. Бара сатаан, түннүгүнэн көрөн үҥсэр буоллахтара дуу диэн былыргылыы санаабытым. Эбэтэр муннук аайы устар хаамыралар тураллара дуу? Эмиэ дьикти ээ.
Хата, киэһэ бу истибит сонуммун кэпсээбиппэр, эмээхсиним барахсан бэркэ билэр-көрөр курдук туттан олорон манныгы кэпсээн сөхтөрдө эбээт.
Ону баара, маҕаһыынтан атыылаһар хас табаарбыт ахсын сканер-куот диэн баар үһү. Өскөтүн бэйэбэр диэри бэтиэхэлээх оҕолорбут, эдэр дьоммут киллиргэччи иһэр «Куока Куола» диэн суоктарын иһэн баран, таһараа дьиэҕит тиэргэнигэр элээрдэн кэбистэхтэринэ, ыалыҥ анал бырагыраамаҕа киирэн ким бырахпытын булан ылар үһү. Дьэ, бэйэтэ остуоруйа курдук кэпсээн буолла диэххэ сөп.
Онон быйыл бөҕү-сыыһы түбэһиэх быраҕар, массыынаттан элитэр дьоҥҥо олус сэрэхтэммит. Бирээмэ быраканьыар курдук буолаҕын. Туох да омуна суох, оннук. Ыстарааптара да ботуччу эбит. 15 тыһ. солк. саҕалаан 35 тыһ. солк. диэри «лас» гыннараллар үһү.
Онон дьон олорор тиэргэнин киртитээччилэр мантан инньэ тос мааскаларын ылыыһыктар. Ыллыннар. Баҕар, куораппыт ырааһырыа. Оҕолуун-улаханныын бэрээдэктэниэхпит. Хайдаҕын да иһин, лөкөччү ыстараап барыбытын даҕаны үчүгэй аҕайдык кэһэтэр, үөрэтэр буолуохтаах.
Былырыын ити сиэрэй дьиэ таһыгар биир мааны массыына кэлэн тохтоон хорос гыммыта. Массыына иһиттэн мааны да мааны эдэрчи эр киһи сулбу ойон тахсан, багааһынньыгыттан хас да мөһөөччүк бөҕү-сыыһы таһааран, уҥа-хаҥас көрөн баран, таах элээрдэн кэбиспитэ. Туттарын-хаптарын көрдөххө, хайдах эрэ булчуттан куотан сүрэҕэ сэлибирээбит куобах барахсаны санатара. Ол хартыына өйбүттэн арахпат.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…