Хаартыска: СЯИА.
Мэдиссиинэ үрдүк үөрэҕин кыһатын бүтэрбиттэр үс сыл иһигэр ОМС систиэмэтигэр үлэлииртэн аккаастаннахтарына, ыстарааптара үс төгүл улаатыан сөп.
Уопсастыба дьүүллэһиитигэр тахсыбыт сокуон саҥардыллыбыт барыйаанын быһыытынан мэдиссиинэ үрдүк үөрэҕин кыһатын бүтэрэн баран судаарыстыбаннай мэдтэрилтэлэргэ үлэлииртэн аккаастаммыт выпускниктарга ыстарааптарын үс төгүл үрдэтэри былаанныыллар. Урут ыстараабы икки төгүл элбэтэр туһунан этии көрүллүбүтэ диэн «Российскай газета» суруйар.
Ол курдук, бүддьүөт босхо үбүгэр үөрэммит исписэлиис доруобуйа харыстабылын тэрилтэтин кытта түһэрсибит үлэ дуогабарын эрдэ тохтоттоҕуна, кинини бэлэмнииргэ ороскуоттаммыт үбү үс бүк төлүөхтээх.
Докумуон маны таһынан медколледжтары уонна үрдүк үөрэх кыһаларын бүтэрбиттэри биир сыл иһигэр ОМС систиэмэтинэн үлэлиир тэрилтэҕэ үлэҕэ киирэллэрин уонна онно үс сыл үлэлиэхтээхтэрин ирдиир.
Тоҕо маннык кытааттылар диэтэххэ, мэдисиинэ үрдүк үөрэҕин кыһатын бүтэрбиттэр 30-тан тахса бырыһыаннара бүддьүөт эйгэтигэр үлэлиир тэрилтэлэргэ барбаттар. Доруобуйа харыстабылын миниистирэ Михаил Мурашко эппитинэн, былырыын дойдуга 23297 быраас, 63 тыһ. орто персонал тиийбэт этэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…