Ыстарааптары тута МАХ мессенджеринэн төлүөххэ сөп

Судаарыстыбаннай сервистэри туһаныы табыгастаах буолла: бырааска суруттарыы, сайабылыанньалар эппиэттэрин уонна ыстарааптар туһунан сэрэтии барыта биир сиргэ – МАХ Госуслуга чаат-ботугар хомулуннулар. Ыстарааптары тута мессенджеринэн төлүөххэ сөп – төлөбүр оҥоһуллубутун туһунан эмиэ чаат-ботка көстүөҕэ.

Маннык иһитиннэриини ыларга, MAX уонна «Госуслуги» аккауннарын биир төлөпүөн нүөмэригэр холбуохха наада. МАХ-ка кэлэр иһитиннэриини Госуслуга аккаунугар киирэр туруоруохха сөп.

МАХ – бу VK хампаанньа Арассыыйа Цифровой сайдыыга, сибээскэ уонна маассабай коммуникацияҕа министиэристибэтин уонна «Ростех» экосистиэмэтин тэрилтэлэрин өйөбүлүнэн айбыт аныгы сыыппара платформата буолар. Бары тэриллэргэ – iOS, Android, Windows, macOS уонна вэб-версияҕа баар.

MAX-ка регистрацияланыы Арассыыйа эбэтэр Беларуссия төлөпүөннэрин нүөмэринэн эрэ буолуон сөп. Туһанааччы бары дааннайдара Арассыыйа сервердэригэр, сокуон бары ирдэбиллэригэр сөп түбэһиннэрэн, хараллар. Бүгүҥҥү күҥҥэ туһанааччы платформа сүрүн үлэтин: тиэкиһинэн уонна куолаһынан кэпсэтиилэри; ыҥырыылары; 4 ГБ диэри файлы ыытыыны; СБП нөҥүө харчыны ыытыыны; GigaChat-ка олоҕуран чат-боттары, сорох судаарыстыбаннай сервичтэри, ол иһигэр «Госуслуганы» туһаныахтарын сөп.

«Национальнай «МАХ» мессенджери олоххо киллэрии – Саха сирин сыыппараҕа куттал суох буолуутугар улахан хардыы: кини Арассыыйа стандартынан дааннайы харайыыны, госуслугаларга холбонууну уонна түргэн үлэни хааччыйар. Тус дааннайдары биэрбэккэ, динамичнай QR-кодунан элбэх оҕолоох ыалтан саҕалаан устудьуонҥа диэри статустары бигэргэтэр Сыыппара ID сулууспата ураты сыаннастаах. Бу сулууспа өҥөлөрү дьоҥҥо тиийимтиэ, харыстабыллаах уонна табыгастаах оҥорор, бириэмэни кэмчилиир уонна бюрократияны аҕыйатар. Инновация министиэристибэтигэр биһиги маны, хас биирдии саха киһитэ түргэн информация атастаһыытынан дуоһуйарын туһугар, омук палтформаларыттан тутулуга суох буоларын киэҥник тарҕатабыт», – диэтэ СӨ Инновацияҕа, сыыппара сайдыытыгар уонна инфокоммуникационнай технологияҕа миниистирэ Петр Николаев.

Санатар буоллахха, СӨ Баһылыга Айсен Николаев МАХ сыыппара платформатыгар бэйэтин ханаалын ыытар. Ил Дархан официальнай страницата бу сигэнэн баар: https://max.ru/aisen_nikolaev. Ону тэҥэ СӨ Бырабыыталыстыбата бэйэтин официальнай ханааллаах, бу сигэнэн аһаҕас: https://max.ru/sakhagov.

Сиһилии: https://www.sakha.gov.ru/news/16431