Ыт айаҕар уҥуох кыбыллыбытын хостоотулар

Дьокуускайга судаарыстыбаннай бэтэринээринэй балыыһаҕа бэтэринээрдэр айаҕар уҥуох киирэн кыбыллыбыт ыты быыһаатылар. 

Дайна диэн ааттаах, ньиэмэс овчарката боруодалаах ыты хаһаайына ыксаан, балыыһаҕа аҕалбыт. Хаһаайына ытын күндүлээри,  силиитин сиэтин диэн, ынах  уҥуоҕун биэрбит. Бу уҥуох ыт алларааҥҥы сыҥааҕар киирэн, кыбыллан хаалбыт.

Ыт сыҥааҕа, тииһэ эмсэҕэлээбит, ыарытыйан, аһаабат да, утуйбат да буолбут.

Бэтэринээрдэр ыты норкуостаан, утутан баран, айаҕыттан быга сылдьар улахан уҥуоҕу хостоон таһаардылар. Бу кэнниттэн эмтэнии кууруһун анаатылар. Дайна билигин эмтэнэ сылдьар, туруга үчүгэй.

Исписэлиистэр дьиэ кыылларын аһатарга, көрөргө-харайарга болҕомтолоох буоларга сүбэлииллэр. Бу курдук сороҕор куурусса уҥуоҕа эмиэ ыт куолайыгар киирэн, кыбыллан хаалыан сөп.