Ыт айаҕын бүөлүүр томторуга суох таһаардахха — ыстараап

2023 сыл ахсынньы 22 күнүттэн СӨ административнай кэһиилэр тустарынан кодексыгар уларыйыылар киирэн, үлэлээн эрэллэр. Ол курдук, дьиэ кыылын көрүү-харайыы быраабылатын кэһии иһин ыстараап улаатта.

Холобур, ыты айаҕын бүөлүүр томторуга (наморднига) уонна тута сылдьар, сиэтэр быата суох уопсастыбаннай сирдэргэ таһаардахха, ыстараап 1 тыһыынча солкуобайтан 3 тыһыынча солкуобай буолла. Иккистээн түбэстэххэ, ыстараап суумата өссө  үрдүүр — 3 тыһыынча солкуобайтан 5 тыһыынча солкуобайга диэри.

Урут дьиэ кыылын хаһаайыныгар бастаан  сэрэтии биэрэр эбит буоллахтарына, билигин сэрэтии диэн суох, тута ыстарааптыыллар диэн Бэтэринээрийэ департамена иһитиннэрэр.