СИА хаартыската
Түөкүттэр уон араас албастара элбэх. Ол быыһыгар, ыт оҕотун атыылыыр аатыран, дьону албынныыллар.
Ол курдук, Дьокуускай куорат полициятыгар олохтоох дьахтартан үҥсүү киирбит. Кини босхо тахсар биллэриилэргэ (ыраахтан олорон атыылыыр) мопс оҕото атыыланарын булан ылбыт.
Биллэриигэ баар хаартыскалары көрөн олус сөбүлээбит, суруйбуттарын сэҥээрбит. Сыанатын да сөбүгэр диэтэҕэ. Атыылааччыны кытары төлөпүөнүнэн суруйсан сибээстэһэн баран, Дьокуускайга хаһан аҕалалларын чуолкайдаспыт. Онуоха атыылааччы 3 т. 500 солк. эрдэ төлүүрүгэр, онтон хаалбыт сууматын ыт оҕото Дьокуускайга аҕалылыннаҕына биирдэ төлүүрүгэр эппит. Ол гынан баран, атыылаһааччы этиллибит сууманы ыыппытын кэнниттэн, атыылааччы сибээстэн сүппүт.
ИДьМ «Якутское» полиция отделениетынан суһал-ирдиир үлэ ыытыллыбытын түмүгэр, харчыны сиэһиҥҥэ урут түөкүннээһиҥҥэ сууттана сылдьыбыт 26 саастаах Сахалин уобалаһын дьахтара сыһыаннааҕа биллибит.
Бэрэбиэркэ кэмигэр полиция сотрудниктара уорбаланааччы өссө икки түөкүннээһини оҥорбутун быһаарбыттар. Ол курдук, Дьокуускай өссө икки олохтооҕо: биирэ лабрадор, иккиһэ французскай булдьог оҕотун ылаарылар албынаппыттара чуолкайдаммыт. Дьиҥинэн, бу дьахтар ыты иитиинэн дьарыктамматах, сымыйа биллэриилэри таһаарбыт.
РФ Холуобунай кодексатын «Түөкүннээһин» 159 ыст. 2 ч. холуобунай дьыала тэриллибит.
СӨ ИДьМ пресс-сулууспата
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…