Хаартыска: Бүлүүтээҕи бэтэринээрийэ пууна
Сэтинньи 13 күнүгэр Аан дойдутааҕы үтүө санаа күнэ бэлиэтэнэр. Онтон сиэттэрэн, биир үтүө быһыы туһунан кэпсиэхпитин баҕарабыт. Бу сайын Бүлүү улууһунааҕы бэтэринээр пуунугар ыалдьыбыт ыт оҕотун аҕалбыттара. Афанасий Васильев дьиэтин таһыттан быраҕыллыбыт ыт оҕотун булан ылбыт. Ыт оҕото ып-ырыган, сорох сиринэн түүтэ түспүт, ыйылыыр-ытыыр уонна күүскэ тарбанар эбит. Афанасий кинини тута бэтэринээрдэргэ аҕалбыт.
Бэтэринээрдэр ыт оҕотун көрөн-истэн, Вуд лаампата диэн анал тэрилинэн тыктаран көрөн баран, «лишай» ыарыыта суох диэн быһаарбыттар. «Демодекоз» ыарыы буолуо диэн, тириититтэн анаалыс ылбыттар. Бүлүүтээҕи бэтэринээринэй-чинчийэр лаборатория «демодекоз» буоларын бигэргэппит, ол эбэтэр, олус элбэх клещ баарын булбуттар.
Бу кэнниттэн эмтээбиттэр. Маны сэргэ, ииримтийииттэн, чуматтан быһыыны биэрбиттэр, пааспар оҥорбуттар уонна чип туруорбуттар.
Билигин ыт оҕото улаатан, түүлэнэн, бэтэринээрдэр көмөлөрүнэн үтүөрэн, таптыыр хаһаайынын булан, кини саҕа дьоллоох, иччитигэр бэриниилээх ыт суох! Хаһаайына Липси Хай диэн ааттаабыт.
Амарах санаа аан дойдуну быыһыа! Дьиэтээҕи харамайдарга амарах сыһыаннаах буоллахха, киһилии быһыы, үтүө санаа өрөгөйдүүр. Кыра кыыл диэн аанньа ахтыбакка ааспакка, биир тыынар тыыннаах олоҕун быыһаатахтара.
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…