Ыт туһунан

Ыт олус үчүгэйдик сыты ылар. Кини муннугар 200  мөл.кэриҥэ сыты билэр рецептор баар.

Тэҥнэбилгэ, киһи муннугар — 5  мөл.кэриҥэ. Ол иһин ыттар көҥүллэммэт биэссэстибэлэри, онтон да атыны булаллар. Маны тэҥэ муннуларынан бириэмэни быһаараллар. Хаһаайына барбытын кэнниттэн сыта төһө өр сүтэрин кэтииллэр уонна дьиэтигэр хаһан кэлиэхтээҕин билэллэр.

Ыт тыаһы истэрэ эмиэ киһиттэн таһыччы үчүгэй. Киһи 22 кГц тиийэ түргэннээх тыаһы истэр буоллаҕына, ыт кулгааҕа — 40 кГц тиийэ.

Ол оннугар ыт мөлтөхтүк көрөр. Чинчийээччилэр этэллэринэн, ыттар өҥнөрү үчүгэйдик араарбаттар. 25  см чугас турар барамайдары кыайан чопчу көрбөттөр. Ол гынан баран  800  м ыраахха диэри хамсыыр эбийиэктэри көрөллөр. Маны тэҥэ өскөтүн киһи 180 кыраадыс кэрийэ көрөр буоллаҕына, ыт — 200-270  кыраадыс.

Ыт тыла түөрт сүрүн амтаны араарар:  минньигэс, аһыы, кураххай, туустаах. Оттон бытыга бигээн билэригэр наадалаах.

Саха ыалын халандаарыттан