Хаартысканы Светлана Диодорова тиксэрдэ.
Бүгүн – Тунах ыһыах күнэ. Самаан сайыммыт сатыылаан, Саха сиригэр ыһыахтар саҕаланнылар. Күн сайыҥҥы туруутугар, Үрүҥ Айыылар сиргэ саамай чугаһыыр кэмнэригэр, саха киһитэ күөххэ үктэммит үөрүүтүн үллэстэ, күүс-уох эбинэ ыһыахтыыр идэлээх. Үрүҥ күнү айхаллыыр ыһыахха саха киһитэ алгыстаах алаадьыны амсайар, кыынньар кымыһы ыймахтыыр, үтэһэлээх эмис эти айах тутар үтүө үгэстээх.
Бу күннэргэ үтүө үгэһи салҕаан, Хаҥалас улууһун дьаһалтата ыһыаҕы көрсө, Санкт-Петербург байыаннай госпиталыгар эмтэнэ сытар уолаттарга анаан саха төрүт астарын кымыһы уонна 20 киилэ биэ этин Биир кэлим координационнай киин чилиэнигэр Светлана Диодорова-Лаврентьеваҕа туттарда.
«Бэҕэһээ Хаҥалас улууһун баһылыгын социальнай боппуруостарга солбуйааччы Юрий Никифоровы көрүстүм. Кини олохтоохторун аатыттан бааһыран Санкт-Петербург госпиталларыгар эмтэнэ сытар уолаттарга анаан саха төрүт астарын кымыһы уонна 20 киилэ биэ этин туттарда. Түгэнинэн туһанан Хаҥалас улууһун олохтоохторугар, улуус баһылыгар Олег Иринеевка, бааһынай хаһаайыстыба салайааччыларыгар Евгений Никифоровка уонна Марк Лихановка махталбытын ыытабыт», — диэн Светлана Диодорова-Лаврентьева махталын тиэрдэр.
Бүгүн Бырабыыталыстыба остолобуойугар эти буһартаран, үтэһэҕэ анньан бэлэмнээтилэр. Уолаттарбытын күндүлээн, ыһыах маанылаах астарын – эмис үтэһэлээх эти, кымыһы уонна саха лэппиэскэтин бүгүн тута тарҕатар курдук бэлэмнээн, Санкт-Петербурга ыытыахтара.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…