Ыттаах, аттаах дьон эппиэтинэскэ тардыллыахтара

Сыл саҕаланыаҕыттан Россельхознадзор Амур уобалаһынааҕы уонна Саха сиринээҕи салаатыгар, ИДьМ салаатыгар уонна Бэтэринээрийэ департаменыгар  бэрэбиэркэҕэ диэн Нерюнгри оройуонун олохтоохторун аатыттан сайабылыанньалар киирбиттэр. Ол курдук, сайабылыанньа түһэрээччилэр дьиэ кыылыгар ытыртаран үҥсүбүттэр.

Олунньу, кулун тутар ыйдарга Нерюнгри куоратыгар  бэйдиэ сылдьар ыттарга ытыртарыы иһин, ыттаах хаһаайыттарга  административнай быраабыланы кэһии кодексатын  10.6 ыст. 1 ч. административнай дьыалалар тэриллибиттэр.

Маны сэргэ, муус устар ыйга бэйдиэ сылдьар сылгы сааһын ситэ илик оҕону ытырбыт. Сылгы хаһаайыныгар сэрэтии бэриллибит.

Ол эрээри ыттаах да, аттаах да хаһаайыттар 12  чаас устата дьиэтээҕи кыылларын бэтэринээрийэ учаастагар килиниичэскэй көрдөрүүгэ аҕалыахтаахтарын аҕалбатахтар. Онон эппиэтинэһэ суох хаһаайыттар дьиэ кыылын ииримтийиитигэр сэрэтэр быраабыланы кэспиттэрин иһин миэрэ ылыллыаҕа.