Ульяна Захарова хаартыскаҕа түһэриитэ.
Дьокуускай куорат Бырамыысыланнай уокуругар бэйдиэ сылдьар ыттар оҕоҕо саба түһэ сыспыттарын туһунан суруйан турабыт. Тута тиийбит биригээдэҕэ ыттары көмүскэһээччилэр (зоозащитниктар) мэһэйдэһэн, айдааран, тустаах үлэни толотторботохтор.
Бэҕэһээ, кулун тутар 28 күнүгэр, Бырамыысыланнай уокурукка СӨ Бэтэринээрийэтин департаменын исписэлииһэ уонна учаастактааҕы полиция кыттыылаах рейдэ оҥоһуллубут. Рейдэ кэмигэр айдааны тарпыт ыттары көмүскэһээччилэр тустаах исписэлиистэри көрөн арыый уоскуйбуттар. Бэлиэтээн суруйдахха, Бырамыысыланнай уокурук быраабатыгар бэйдиэ сылдьар ыттар аһара элбээн оҕолорго кутталынан суоһаабыттарын иһин, туттараары олохтоохтор сурук суруйбуттар. Бэйдиэ сылдьар ыттар сорохторо хаһаайыннаахтар. Ол эрээри ыттаах хаһаайын дьахтар ыттарын баайарга ыксаабат эбит. СӨ Бэтэринээрийэтин исписэлииһэ ыттаах хаһаайыны кытта кэпсэппит. Хаһаайын ыттарын тоҕо көҥүл-босхо ыытарын туһунан быһаарыы сурук суруйартан аккаастаммыт. Онон ситимнээн сарсын, кулун тутар 30 күнүгэр, хаһаайыҥҥа боротокуол оҥоһуллар буолбут. Онон ыттаах киһи аадырыһа хонтуруолга ылыллыбыт. Өскөтүн, хаһаайын дьахтар боротокуол оҥоһулларыгар кэлбэтэҕинэ, бу матырыйаал полиция 3 №-дээх отделениетыгар көрүүгэ барыаҕа.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…